Qafqaz Albaniyası irsinə dair Dövlət Proqramı hazırlanır

 

Mədəniyyət və Turizm Nazirliyində "Qafqaz Albaniyası irsinin tədqiqi, mühafizəsi və təbliğinə dair Dövlət Proqramı"nın layihəsi müzakirə olunub. Görüşdə Nazirliyin Mədəni irs şöbəsinin nümayəndələri, Dini Qurumlarla İş üzrə Dövlət Komitəsinin, AMEA-nın Memarlıq və İncəsənət, ArxeologiyaEtnoqrafiya institutlarının, Azərbaycan Turizm İnstitutunun, Dövlət Memarlıq və İnşaat Universitetinin, \"Azərbərpa\" Elmi-Tədqiqat Layihə İnstitutununAlban-Udi xristian dini icmasının mütəxəssisləri iştirak ediblər.

Bildirilib ki, ölkə Prezidentinin göstərişinə müvafiq olaraq, Mədəniyyət və Turizm Nazirliyi tərəfindən 2012-ci ildən etibarən Dövlət Proqramının layihəsi üzərində hazırlıq işlərinə başlanılıb və ümumilikdə 30-dan çox mərkəzi və yerli icra hakimiyyəti orqanından, 10-dək elmi institut və universitetdən təkliflər qəbul edilib.

Müzakirə zamanı iştirakçılar Qafqaz Albaniyası irsinin tədqiqinə sistemli yanaşmanın və irsin təbliği sahəsində səylərin gücləndirilməsinin əhəmiyyətini vurğulayıblar. Layihənin ümumilikdə məqbul hesab edilərək, dəyişikliklərdən sonra razılaşdırılması üçün müvafiq mərkəzi icra hakimiyyəti orqanlarına göndərilməsi qərara alınıb.

Qeyd edək ki, ölkə Prezidentinin fərmanı ilə təsdiq edilmiş \"Azərbaycan 2020: Gələcəyə baxış\" inkişaf konsepsiyasında mədəni irsin qorunması və səmərəli idarə edilməsi ölkənin prioritet inkişaf istiqamətlərindən biri kimi müəyyən edilib və 2013-2016-cı illər üzrə \"Qafqaz Albaniyası irsinin tədqiqi, mühafizəsi və təbliğinə dair Dövlət Proqramı\"nın hazırlanması əksini tapıb.

 

 

Mədəniyyət.- 2013.- 15 may.- S. 3.