“Sülh naminə səyahət”

Azərbaycanlı rəssam beynəlxalq sərgidə

Çinin paytaxtı Pekində “Sülh naminə səyahət” Beynəlxalq Mədəni Mübadilə Mərkəzinin yaradılmasının 10-cu ildönümü münasibətilə “Sülh və incəsənət ustası” adlı rəsm sərgisi təşkil edilib. Beynəlxalq sərgidə Çin, Azərbaycan, Rusiya, ABŞ, Qazaxıstan, Özbəkistan, Qırğızıstan və digər ölkələrin 100-dək rəssamının 200-dən çox əsəri nümayiş olunub.

Tədbirdə ölkəmizi Naxçıvan Rəssamlar Birliyinin sədri, Azərbaycanın Əməkdar rəssamı Ülviyyə Həmzəyeva təmsil edib. Beynəlxalq sərgi çərçivəsində iştirakçılar Çinin tarixi-mədəni abidələri, muzey və rəsm qalereyaları ilə tanış olub, Çin səddi üzərində etüdlər çəkiblər.

Qeyd edək ki, “Sülh naminə səyahət” Beynəlxalq Mədəni Mübadilə Mərkəzi 2003-cü ildə Çinin Xarici İşlər və Mədəniyyət nazirliklərinin dəstəyi ilə yaradılıb.

Fariz Yunisli

Mədəniyyət.- 2013.- 17 may.- S. 15.