“Qarabağ: folklor da bir tarixdir”

Azərbaycan Milli Elmlər Akademiyası (AMEA) Folklor İnstitutunun nəşri olan “Qarabağ: folklor da bir tarixdir” kitabının V cildi çapdan çıxıb. Bu cilddə Bərdə, Füzuli, Ağdam, Şuşa və Zəngilan rayonlarının folklor nümunələri toplanıb.

Toplunun layihə rəhbəri institutun direktoru, filologiya elmləri doktoru Muxtar İmanov, tərtib edəni filologiya üzrə fəlsəfə doktoru İlkin Rüstəmzadə, redaktoru filologiya üzrə fəlsəfə doktoru Əfzələddin Əsgərdir.

Kitab institutun reallaşdırdığı “Qarabağ folklorunun toplanması, sistemləşdirilməsi və araşdırılması” layihəsi çərçivəsində işıq üzü görüb. Layihənin məqsədi Azərbaycanın ayrılmaz hissəsi olan Qarabağı folklor mühiti kimi diqqət mərkəzində saxlamaq, onun qeyri-maddi mədəni irsini toplamaq, sistemləşdirmək, nəşr etmək, araşdırmaq və təbliğ etməkdir. Məqsəd həm də bölgənin folklor resurslarını müəyyənləşdirmək, onun sosial-mənəvi həyatında folklorun iştirakının fəallıq dərəcəsi haqqında müəyyən təsəvvür əldə etməkdir.

Mədəniyyət.- 2013.- 27 noyabr. - S.15.