“Mən Azərbaycan haqqında nə bilirəm?”

Noyabrın 26-da Cənubi Afrika Respublikasının Milli Kitabxanasında Azərbaycanın bu ölkədəki səfirliyi tərəfindən ümummilli lider Heydər Əliyevin 90 illiyinə həsr edilmiş sərgi təşkil olunub.

Sərgi çərçivəsində Azərbaycanın Gənclər və İdman, Xarici İşlər nazirliklərinin dəstəyi ilə həyata keçirilmiş “Mən Azərbaycan haqqında nə bilirəm?” mövzusunda müsabiqənin qalibləri tərəfindən yazılmış esselərin yer aldığı “Cənubi Afrikadan Azərbaycana. Alov keşikçilərinin macərası” adlı kitabın təqdimatı keçirilib.

Mərasimdə çıxış edən səfir Elxan Poluxov bildirib ki, kitabın nəşrində məqsəd CAR ictimaiyyətinə Azərbaycan haqqında məlumatların bu ölkənin öz vətəndaşlarının dili ilə çatdırılmasıdır. Kitabın nəşrində səfirliyə dəstək göstərmiş “Paramount” şirkətinin nümayəndəsi, Afrikada Azərbaycan Dostları qeyri-hökumət təşkilatının yaradıcılarından biri Ceyms Dey və esse müsabiqəsinin iştirakçısı olmuş tələbələr çıxış ediblər. Təqdim olunan kitab CAR-da Azərbaycana həsr edilmiş ilk nəşrdir.

Mədəniyyət. - 2013. – 29 noyabr. - S.10.