Qazaxıstanda türkdilli xalqların mədəniyyət festivalı

Qazaxıstanın Petropavlovsk şəhərində türkdilli xalqların mədəniyyət festivalı keçirilib. Festivalda Şimali Qazaxıstan vilayətində yaşayan Azərbaycan, qırğız, uyğur, tatar, özbək və digər türkdilli xalqların milli mədəniyyət mərkəzləri iştirak edib. Tədbirin məqsədi türkdilli xalqların mədəniyyəti, adət-ənənələri ilə yaxından tanış olmaq, ortaq maddi və mənəvi sərvətlərin qorunması, inkişafı və gələcək nəsillərə çatdırılması, həmçinin türkdilli xalqlar arasında əlaqələrin genişlənməsi olub.

Festivalda Şimali Qazaxıstan vilayətindəki Azərbaycan Mədəniyyət Mərkəzinin nəzdində fəaliyyət göstərən musiqi kollektivləri mahnı və rəqslərimizi ifa edib, milli geyimlərimiz nümayiş etdirilib.

Mədəniyyət.- 2013.- 2 oktyabr.- S. 15.