Bakı Xoreoqrafiya Məktəbinin şagirdləri beynəlxalq festivalda

Bakı Xoreoqrafiya Məktəbinin şagirdləri Belqrad şəhərində keçirilən “Avropanın sevinci” beynəlxalq uşaq festivalında iştirak etmək məqsədilə oktyabrın 1-dən 6-dək Serbiyada səfərdə olublar. Festivalda 17 ölkənin uşaq rəqs kollektivləri iştirak edib.

Belqrad şəhərindəki “Sava” mərkəzində keçirilən konsertdə azərbaycanlı uşaqların təqdim etdikləri rəqs nömrələri alqışlarla qarşılanıb. Festivalın təsisçisi xanım Donka Şpiçak 1969-cu ildən ənənəvi olaraq keçirilən tədbirdə azərbaycanlı şagirdlərin ilk dəfə iştirak etməsindən məmnun olduğunu bildirib.

Mədəniyyət.- 2013.- 9 oktyabr.- S. 5.