Amerika Ticarət Palatası Bakıda bal təşkil edib

Amerika Ticarət Palatası (“AmCham”) ənənəsinə sadiq qalaraq palatanın üzvləri üçün Bakıda növbəti ağ-qara bal təşkil edib. Bu tədbir “AmCham”ın sosial təqvimində əhəmiyyətli hadisələrdən biridir. Balın builki mövzusu “Vogue” jurnalı olub.

Zərifliklə dolğun tədbirdə “Jan” modalar atelyesinin yeni kolleksiyası və “Ant Hill”dən “Faro” zinət əşyaları nümayiş etdirilib, musiqi və rəqslər isə əyləncə axşamına xüsusi rəng qatıb.

“Fairmont Baku Flame Towers” hotelində təşkil olunmuş balda diplomatlar, o cümlədən ABŞ-ın Azərbaycandakı səfiri Riçard Morninqstar və xanımı - ümumilikdə 500-dən çox qonaq iştirak edib.

ABŞ-ın Azərbaycandakı səfirinin xanımı Feyt Morninqstar təəssüratları bu sözlərlə ifadə edib: “Tədbir yüksək səviyyədə təşkil olunmuşdu. Foyedəki dekorasiyalar çox sensasiyalı, zaldakı video əyləncəli, yemək ləzzətli, moda nümayişi maraqlı idi. Hesab edirəm ki, tədbir iştirakçıları vaxtlarını mənalı keçirdilər”.

Tədbirin qızıl sponsorları qismində “Nar Mobile” və “PAŞA Bank”, gümüş sponsorlar qismində “Baker Hughes” və “Ant Hill”dən “Faro”, bürünc sponsorlar qismində isə “Lufthansa” və “JW Marriott”, “Philosophy” və “Jumeirah Bilgah Beach”, “Holcim Azerbaijan” və “PricewaterhouseCoopers (PwC)” şirkətləri çıxış ediblər.

Mədəniyyət.- 2013.- 11 oktyabr.- S. 5.