“Azərbaycan evi” ölkəmizi layiqincə təmsil edib

Fransanın paytaxtı Parisdə Cəmiyyətlər Forumu keçirilib. Azərbaycanın Fransadakı səfirliyinin və İqtisadi İnkişaf Nazirliyinin dəstəyi ilə Parisdə fəaliyyət göstərən “Azərbaycan evi” forumda ölkəmizi layiqincə təmsil edib.

Tədbir iştirakçılarına və qonaqlara zəngin milli mətbəximizin şirniyyat nümunələri təqdim olunub. Fransa Milli Assambleyasının deputatı Klod Goaskan “Azərbaycan evi”nin nümayəndələrinə minnətdarlığını bildirib və onlara fəaliyyətlərində uğurlar arzulayıb. Merə əl işlərindən ibarət hədiyyələr verilib.

Forum iştirakçıları ölkəmizə böyük maraq göstərib, Azərbaycan haqqında geniş məlumat əldə ediblər. Tədbir “Azərbaycan evi”nə yerli təşkilatlarla tanışlıq və əməkdaşlıq imkanları yaradıb.

Mədəniyyət.- 2013.- 11 sentyabr.- S. 9.