Köçİtaliyadan mükafatla qayıdıb

 

  Ekran əsəri “Faito Doc Festival” sənədli filmlər festivalının əsas mükafatını qazanıb 

 

    Rusiyada yaşayan həmvətənimiz, rejissorprodüser, bir sıra beynəlxalq kino müsabiqələrinin laureatı Rodion İsmailovunKöç” sənədli filmi İtaliyanın Neapol şəhərində keçirilən VI Beynəlxalq “Faito Doc Festival” sənədli filmlər festivalında əsas mükafata layiq görülüb.

   2010-cu ildə Azərbaycan Mədəniyyət və Turizm Nazirliyinin dəstəyi ilə “DS film” studiyasında istehsal olunan ekran əsəri ölkəmizin qədim adət-ənənələrini özündə əks etdirir. Filmdə bütün ömrü boyu heyvandarlıqla məşğul olan, il ərzində yaylaqlardan qışlaqlara və geriyə köç edən insanların çətin və maraqlı taleyi işıqlandırılıb. Nəsildən-nəslə keçən bu peşəni çobanlar səbirlə davam etdirirlər.

   Əlli iki dəqiqəlik ekran əsərinin çəkilişləri Tovuz və Daşkəsən rayonlarında aparılıb. Qeyd edək ki, “Köçfilmi bundan əvvəl 30-dək beynəlxalq festivalda iştirak edib.

 

Mədəniyyət.- 2013.- 4 sentyabr.- S. 3.