Rusiya İnformasiya-Mədəniyyət Mərkəzində “Bilik günü”

Bakıdakı Rusiya İnformasiya-Mədəniyyət Mərkəzində birinci sinif şagirdləri üçün “Bilik günü”nə həsr edilmiş bayram tədbiri keçirilib. Uşaqlar RİMM yanında fəaliyyət göstərən rus dili tədris-metodik mərkəzinin məktəbəqədər hazırlıq kurslarını bitiriblər. “Rossotrudniçestvo” agentliyinin Azərbaycandakı nümayəndəliyinin rəhbəri Valentin Denisov birinci sinfə daxil olmuş uşaqları və onların valideynlərini təbrik edib. Gənclərin “Sozvezdiye” yaradıcılıq klubunun üzvləri balacalar üçün bayram proqramı təqdim edib. Bakı Musiqi Akademiyasının tələbələri Ülkər Əliyeva və Nərmin Abbasova Rusiya cizgi filmlərindən mahnılar ifa ediblər. Bakı Xoreoqrafiya Məktəbinin şagirdi Fərid Kazakov rəqs məharətini göstərib. Oksana Cavadovanın ssenarisi əsasında hazırlanmış “Meşə bizim sərvətimizdir” adlı mini-tamaşa da maraqla qarşılanıb.

Mədəniyyət.- 2013.- 4 sentyabr.- S. 4.