Milli Kitabxananın 90 illik
yubileyi qeyd olundu
Sentyabrın
25-də Dövlət Akademik
Opera və Balet Teatrında Mirzə Fətəli Axundzadə adına Azərbaycan
Milli Kitabxanasının
90 illik yubileyinə həsr olunmuş təntənəli mərasim
keçirildi.
Mərasimi giriş sözü
ilə açan mədəniyyət və
turizm naziri Əbülfəs Qarayev ölkəmizdə kitabxana
işinin yüksək
səviyyədə təşkili
istiqamətində görülən
tədbirlərdən danışdı.
Milli Kitabxananın müasir Azərbaycanın mədəni
və elmi həyatında mühüm
yerinin olduğunu diqqətə çatdırdı.
Kitabxananın 90 illik yubileyinin
III Bakı Beynəlxalq
Kitab Sərgi-Yarmarkası
ilə eyni vaxta təsadüf etdiyini deyən Əbülfəs Qarayev paytaxtımızdakı kitab
bayramına minlərlə
insanın qatıldığını
vurğuladı.
Sonra nazir Milli Kitabxana əməkdaşlarının
təltif olunması haqqında Prezident İlham Əliyevin imzaladığı sərəncamları
oxudu, fəxri adlara, orden və
medallara layiq görülənləri təbrik
edərək kollektivə
uğurlar arzuladı.
Çətin və şərəfli yol
Tədbirdə
geniş məruzə
ilə çıxış
edən Baş nazirin müavini, Xalq yazıçısı
Elçin Əfəndiyev
Milli Kitabxananın 90 illik yubileyini böyük mədəni hadisə kimi dəyərləndirdi, 90 il
əvvəl bu kitabxananın yaradılmasını
müasir Azərbaycanın
fikir tarixinin ən sanballı səhifələrindən biri
olduğunu vurğuladı.
Ölkəmizdə kitabxanaların formalaşması
tarixinə nəzər
salan natiq bildirdi ki, ötən
əsrin əvvəllərində
Azərbaycanın müstəmləkə
altında olması nəşriyyat və kitabxana işinin inkişafında çətinliklər
yaradıb. Xalqımızın ayrı-ayrı ziyalılarının
və ictimai xadimlərinin şəxsi
təşəbbüsü, səyləri ilə zaman-zaman müxtəlif qəzet və jurnallar, kiçik həcmli kitablar çap olunub.
Baş nazirin müavini
Azərbaycan Milli Kitabxanasının keçdiyi
çətin və şərəfli tarixi yol haqqında danışdı. Bildirdi
ki, kitabxananın əsası 1922-ci ildə
qoyulub, 1923-cü il mayın 23-dən rəsmi olaraq fəaliyyətə başlayıb.
Kitabxana yarananda onun fonduna keçmiş İmperator Texniki Cəmiyyətinin Bakı şöbəsinin və Bakı İctimai Cəmiyyətinin kitabxanalarının
fondlarından 5000 nüsxə
nəşr verilib.
Sonrakı illərdə
fondun zənginləşdirilməsi
istiqamətində sistemli
iş aparılıb.
1925-ci ildə kitabxana
fondunda 51 min, 1928-ci ildə
isə 300 min nüsxə
kitab, jurnal, qəzet və digər çap məhsulları toplanmışdı.
Oxu zalı 1927-ci ildə açılıb.
Kitabxana uzun müddət
Azərbaycan Elmlər
Akademiyasının binasında
bir neçə otaqda yerləşib və bu da
fəaliyyəti genişləndirməyə
maneələr yaradırdı.
Bununla belə, artıq 1928-ci ildə kitabxana 6 şöbədən (Şərq,
rus, Qərbi Avropa, xüsusi şöbələr), həmçinin
xidmət və biblioqrafiya bürosundan ibarət idi.
1939-cu ildə kitabxanaya görkəmli dramaturq və maarifçi mütəfəkkir
Mirzə Fətəli
Axundzadənin adının
verilməsinin təsadüfi
olmadığını deyən
Xalq yazıçısı
qeyd etdi ki, Şərqdə dramaturgiyanın əsasını
qoyan bu filosof, mütəfəkkirin
bütün amalı,
arzusu xalqın maariflənməsi, inkişaf
etməsi olub.
Yüksək dövlət qayğısı
Kitabxana gözəl memarlıq
abidəsi olan hazırkı əzəmətli
binaya 1961-ci ildə köçüb. 2004-cü
ildə Azərbaycan Respublikası Nazirlər Kabinetinin qərarı ilə «Milli Kitabxana» statusu alıb. Hazırda burada 25 şöbə,
26 bölmə fəaliyyət
göstərir, kitabxananın
fondunda 5 milyondan çox çap məhsulu saxlanılır.
Qeyd olundu ki, elm və mədəniyyətə
daim yüksək qiymət verən ulu öndər Heydər Əliyev 4 dəfə Milli Kitabxanada olub, öz şəxsi kitabxanasından yüzlərlə
dəyərli kitabı
bu bilik ocağına hədiyyə
edib. Prezident İlham Əliyevin “Azərbaycan dilində latın qrafikası ilə kütləvi nəşrlərin həyata
keçirilməsi haqqında”
2004-cü il 12 yanvar tarixli sərəncamı əsasında
son illər Azərbaycan
və dünya ədəbiyyatı nümunələrinin
nəşr olunaraq ölkə kitabxanalarına
paylanması bu sahəyə yüksək
dövlət qayğısının
bariz nümunəsidir.
Kitabxananın beynəlxalq əlaqələri
Baş nazirin müavini Milli Kitabxananın inkişaf edən dünya ilə ayaqlaşdığını, müxtəlif
ölkə kitabxanaları
ilə əlaqələr
qurduğunu bildirdi: “Kitabxanada bu gün Azərbaycana və bir sıra
xarici ölkələrə
aid nadir kitablar saxlanılır.
1998-ci ildə respublikada ilk internet zalı
məhz Milli Kitabxanada açılıb.
2003-cü ildən kitabxanada avtomatlaşdırılmış
idarəetmə sisteminin
tətbiqinə başlanılıb.
“Milli Kitabxana”
statusu aldıqdan sonra mədəniyyət ocağının statusu artıb, xarici ölkələrin kitabxanaları
ilə 30-dan çox
memorandum imzalanıb. Hazırda Azərbaycan
Milli Kitabxanasının
60-dan çox xarici kitabxana ilə əlaqələri var”.
* * *
Tədbirdə
çıxış edən
Avropa Milli Kitabxanaları Konfransının
(CENL) prezidenti, Fransa Milli Kitabxanasının rəhbəri Bruno Rasine beynəlxalq təşkilatın
27-ci illik görüşünün
Bakıda keçirilməsini
yüksək qiymətləndirdi,
ölkəmizin beynəlxalq
tədbirlərə böyük
maraq göstərdiyini
vurğuladı, bunu dəyişən dünyaya
mesaj kimi səciyyələndirdi.
Avrasiya Kitabxanalar Assambleyasının
prezidenti, Rusiya Dövlət Kitabxanasının
baş direktoru Aleksandr Vislıy Azərbaycan Milli Kitabxanasının əməkdaşlarını
yubiley münasibətilə
təbrik etdi, onlara ən xoş arzularını bildirdi.
Sonda çıxış edən
Milli Kitabxananın direktoru, Əməkdar mədəniyyət işçisi
Kərim Tahirov ölkə Prezidentinin “Azərbaycan Milli Kitabxanasının 90 illik
yubileyinin keçirilməsi
haqqında” 2013-cü il 24 iyun tarixli sərəncamını
kitabxana işinə verilən yüksək qiymət kimi dəyərləndirdi. Kitabxana əməkdaşlarının
təltif olunmasına
görə dövlət
başçısına minnətdarlığını
bildirdi, həmkarlarına
və Azərbaycanın
kitabxana ictimaiyyətinə
təbriklərini çatdırdı.
Yubileyə musiqi töhfəsi
Çıxışlardan sonra incəsənət ustalarının yubiley münasibətilə hazırladığı konsert proqramı təqdim olundu. Üzeyir Hacıbəylinin “Arşın mal alan” operettasından, “Koroğlu” operasından parçalar səsləndirildi, Qara Qarayevin “Yeddi gözəl” baletindən “Vals” rəqsi nümayiş olundu. Azərbaycan və dünya bəstəkarlarının əsərləri, eləcə də muğam üçlüyünün ifasında “Şuşanın dağları” mahnısı təqdim edildi. Bütün ifalar tamaşaçıların hərarətli alqışları ilə qarşılandı.
Fariz Yunisli
Mədəniyyət.- 2013.- 27
sentyabr.- S. 5.