Kitab sərgi-yarmarkasında daha bir təqdimat

 

   Sərgi-yarmarkanın sonuncu günü kənd təsərrüfatı naziri İsmət AbasovunŞərq-Qərbnəşriyyatında çap olunanAzərbaycanın dünya ölkələrinin kənd təsərrüfatıkitabının təqdimatı keçirildi.  

   Kənd təsərrüfatı nazirinin müavini İlham Quliyev çıxış edərək kitab haqqında ətraflı məlumat verdi. Qeyd olundu ki, kitab ulu öndər Heydər Əliyevin 90 illik yubileyinə həsr edilib. Nəşrdə ümummilli liderin Azərbaycanda kənd təsərrüfatının inkişafında böyük xidmətlərindən bəhs edilir, onun rəhbərliyi ilə həyata keçirilmiş tədbirlərin sosial-iqtisadi nəticələri hərtərəfli, dəyərli faktlarla şərh olunur.

   6 fəsildən ibarət olan kitab aqrar sahə mütəxəssisləri, tələbələr elmi-tədqiqat işçiləri, eyni zamanda, bu sahə ilə maraqlananlar üçün faydalı mənbədir. Nəşrdə dünyanın 56 ölkəsinin iqtisadi göstəriciləri, eyni zamanda, kənd təsərrüfatına dair məlumatlar geniş şərh edilib. Nəşr geniş təhlil, sorğu statistik materialı özündə əks etdirməklə olduqca aktual məzmunu ilə diqqəti cəlb edir.

   Təqdim edilən materiallardan dünyada ölkəmizdə kənd təsərrüfatının yeni inkişaf mərhələsinə qədəm qoyduğu, bio nanotexnologiyalar hesabına məhsuldarlığın dəfələrlə artırılmasının mümkünlüyü barədə söz açılır.

   Tədbirdə çıxış edən nazirlik əməkdaşları kitabın əhəmiyyətindən söz açaraq Azərbaycanda aqrar sahədə baş verən islahatlardan danışdılar, onun məntiqi nəticələrini rəqəm faktlarla şərh etdilər.

  

   Ceyhun Zərbəliyev

 

Mədəniyyət.- 2013.- 27 sentyabr.- S. 6.