Cəfər Cabbarlının zəngin irsindən söz açılıb

Aprelin 9-da Məmməd Səid Ordubadinin xatirə muzeyində böyük ədib Cəfər Cabbarlının 115 illik yubileyinə həsr edilmiş tədbir keçirilib.

Muzeyin direktoru Lalə Abaszadə Cəfər Cabbarlının çoxşaxəli yaradıcılığından, dramaturq, teatr və kino xadimi, tərcüməçi, şair, jurnalist kimi xidmətlərindən danışıb.

Filologiya üzrə elmlər doktorları Asif Rüstəmli, Himalay Qasımov XX əsr Azərbaycan dramaturgiyasında, teatrında, kinosunda ilklərə imza qoyan qüdrətli sənətkarın jurnalistlik və tərcüməçilik fəaliyyətinə töhfələrindən bəhs ediblər.

Əməkdar incəsənət xadimi Aydın Kazımzadə çıxışında Cəfər Cabbarlının milli kino sənətimizə töhfələrindən maraqlı faktlar danışıb.

Tədbirdə böyük ədibin poeziyasından nümunələr və şeirlərinə yazılmış mahnılar səsləndirilib. Sonda dramaturqun nəvəsi Qəmər Seyfəddinqızı babasının xatirəsinə göstərilən ehtirama görə minnətdarlığını bildirib.

Mədəniyyət.- 2014.- 11 aprel.- S. 3.