Ömər Eldarov “Birlik ulduzları-2014” mükafatına layiq görülüb

Azərbaycanın Xalq rəssamı, akademik Ömər Eldarov “Birlik ulduzları-2014” mükafatının laureatı olub. Laureatlar arasında MDB-nin 8 ölkəsindən tanınmış alimlər, rəssamlar, artistlər və ictimai xadimlər, o cümlədən A.P.Çexov adına Moskva Bədaye Teatrının bədii rəhbəri Oleq Tabakov və başqaları var.

Aprelin 17-də Rusiya Dövlət Akademik Böyük Teatrının Bethoven salonunda MDB-nin humanitar sahədə əsas mükafatının - “Birlik ulduzları”nın təntənəli təqdimetmə mərasimi keçirilib.

Dövlətlərarası “Birlik ulduzları” mükafatı MDB-nin Humanitar Əməkdaşlıq üzrə Şurası və MDB iştirakçısı olan ölkələrin Dövlətlərarası Humanitar Əməkdaşlıq Fondu (DHAF) tərəfindən 2009-cu ildə təsis edilib. Mükafat hər il elm və təhsil, mədəniyyət və incəsənət sahələrində ən əhəmiyyətli nailiyyətlərə görə təqdim olunur. DHAF-ın idarə heyətinin sədri Azərbaycanın Rusiyadakı səfiri Polad Bülbüloğludur.

Mədəniyyət.- 2014.- 18 aprel.- S. 3.