Gənc
musiqiçilərimiz Tbilisidə çıxış ediblər
Bakı şəhəri Qara Qarayev adına Mərkəzi İncəsənət Məktəbinin müəllim və şagirdlərindən ibarət nümayəndə heyəti Gürcüstan paytaxtında səfərdə olub. Gənc musiqiçilərimiz Tbilisidəki Mikeladze adına onbirillik musiqi məktəbində və digər konsert salonlarında geniş proqramla çıxış ediblər.
Proqramda Ü.Hacıbəyli, Q.Qarayev, F.Əmirov, S.Ələsgərov, G.Venyavski, D.Şostakoviç, D.Popper, F.List, M.Ravel, O.Sarasate, R.Şuman, S.Sinzadze, A.Piazolla və başqa bəstəkarların əsərləri səslənib. Konsert tamaşaçılar tərəfindən alqışlarla qarşılanıb.
Qara Qarayev
adına Mərkəzi İncəsənət Məktəbi
Bakı Şəhər Mədəniyyət və Turizm İdarəsinin təşəbbüsü
ilə 2009-cu ildən Tbilisidəki Mikeladze
adına musiqi məktəbi ilə
yaradıcılıq əməkdaşlığı edir. Bu, məktəb
nümayəndələrinin Gürcüstana
ikinci səfəridir.
Mədəniyyət.- 2014.- 18
aprel.- S. 4.