Gənc skripkaçı Vilnüsdə diplomla təltif olunub

Litvanın paytaxtı Vilnüsdə “Sugrizimai-2014” XVI beynəlxalq musiqi festivalı keçirilib. Festivalda ölkəmizi Azərbaycan Respublikası Prezidentinin təqaüdçüsü, P.İ.Çaykovski adına Moskva Dövlət Konservatoriyasının IV kurs tələbəsi, beynəlxalq müsabiqələr laureatı, skripkaçı Anar Seyidov təmsil edib.

Gənc musiqiçi aprelin 15-də Taikomosios incəsənət muzeyində keçirilən konsertdə çıxış edib. Konsert tamaşaçılar tərəfindən böyük maraqla izlənilib. Sonda Anar Seyidov Vilnüs şəhəri merinin fəxri diplomu ilə təltif olunub.

Mədəniyyət.- 2014.- 18 aprel.- S. 4.