Milli Kitabxanada İsrail səfiri ilə görüş

Avqustun 26-da Milli Kitabxananın direktoru Kərim Tahirov İsrailin Azərbaycandakı səlahiyyətli səfiri Rafael Harpaz ilə görüşüb.

Görüşdə səfirliyin missiya rəhbərinin müavini Ronen Krausz və mətbuat departamentinin direktoru, siyasi məsələlər üzrə köməkçi Sevda Əmirova da iştirak edib.

Görüşdə Azərbaycan-İsrail əlaqələrindən söhbət açılıb. Səfir ölkəsinin kitabxanaları, nəşriyyatları haqqında məlumat verib, iki ölkənin Milli Kitabxanası arasında əlaqələri genişləndirməyin vacibliyini qeyd edib.

Milli Kitabxananın direktoru Kərim Tahirov bu görüşün Azərbaycan və İsrail kitabxanaları arasında əlaqələrə təkan verəcəyinə ümidvar olduğunu bildirib. O, Bakıda keçirilən ənənəvi beynəlxalq kitab sərgi-yarmarkası barədə qonaqlara məlumat verib, İsrail kitabxanaçılarını 2015-ci ildə keçiriləcək növbəti sərgi-yarmarkaya dəvət edib.

Qonaqlar kitabxana ilə tanış olub, xatirə kitabına ürək sözlərini qeyd ediblər.

Mədəniyyət.- 2014.- 27 avqust.- S. 3.