İtaliya saytı ilk Avropa Oyunlarının rəmzlərindən yazıb

İtaliyanın “Olimpi Azzurra” idman saytında “Bakı-2015” ilk Avropa Oyunlarının rəmzlərinin təqdimatı ilə bağlı məqalə yerləşdirilib.

Məqalədə Azərbaycanın gənclər və idman naziri Azad Rəhimovun sözlərinə yer verilib: “Ceyran və nar rəmzlərini bütün dünyaya təqdim etməyə şadıq. Ümidvarıq ki, onlar birinci Avropa Oyunlarının həyəcanını əks etdirə biləcəklər. Bu simvollar “Bakı-2015”in rəmzləri kimi, Azərbaycanda yeni nəsil idman azarkeşlərini ruhlandıracaq, həyəcanlandıracaq və əyləndirəcək”.

Məqalə müəllifi bildirir ki, ceyran Qafqaz dağlarından tutmuş Xəzər dənizinin sahillərinədək qonaqlara ölkə boyu bələdçilik edəcək və onlara Azərbaycanın gözəlliklərini təqdim edəcək. Azərbaycanda qorunan heyvan növlərindən biri olan ceyran ölkədə təbii gözəlliyin, zərifliyin və saflığın rəmzidir. Ölkəmizdə geniş yayılan nar meyvəsi rəngarəng “Bakı-2015” brendində əks olunaraq artıq bu şəhərdə geniş nümayiş etdirilib.

Mədəniyyət.- 2014.- 3 dekabr.- S. 10.