Milli Kitabxana beynəlxalq yarmarkaya dəvət edilib

İtaliyanın “Sandro Teti Editore” nəşriyyat evinin direktoru Sandro Teti M.F.Axundzadə adına Azərbaycan Milli Kitabxanasında olub. Qonaq Turin şəhərində keçirilən beynəlxalq kitab yarmarkasından bəhs edərək Milli Kitabxananın rəhbərliyini bu tədbirə dəvət edib.

Milli Kitabxananın direktoru Kərim Tahirov dəvəti yüksək qiymətləndirərək tədbirdə ilk olaraq xüsusi qonaq qismində iştirak etmək barədə düşünəcəklərini deyib. İtaliyalı qonaq rəhbərlik etdiyi nəşriyyat tərəfindən Azərbaycana aid italyan dilində 3 adda kitabı Milli Kitabxanaya hədiyyə edib və ölkəmizlə bağlı daha bir neçə kitabın çap olunacağını, Turindəki beynəlxalq sərgidə təqdimatının keçiriləcəyini bildirib.

Qonağa Azərbaycan muğamları (disk), Azərbaycan Milli Kitabxanasına dair fotoalbom və film təqdim olunub.

Mədəniyyət.- 2014.- 3 dekabr.- S. 4.