Etnoqrafiya xalqın mədəni mənzərəsidir
Xalqı
öyrənən, təsvir edən, xalqa daha yaxın olan, onun adət-ənənələrinə, istək
və arzularına bələd olan etnoqrafiya elmi bu gün daha
çox azərbaycançılıq
ideyalarına xidmət edərək inkişaf
etməlidir. Çünki zaman,
ölkəmizin yerləşdiyi coğrafi
mövqe, multikultural məkanlardan biri
olması bunu xüsusilə aktual edir.
Etnoqrafiya tarix elminin tərkib
hissəsidir. Deməli, keçmişimizə, maddi-mədəni irsimizə
həssas yanaşdığımız
kimi milli-mənəvi
dəyər meyarlarını
da daim göz
önündə saxlamalıyıq.
Bəs bu elm sahəsinin hazırkı səviyyəsi
barədə yeni nəsil tədqiqatçılar
nə düşünür?
Müsahibimiz AMEA Arxeologiya və
Etnoqrafiya İnstitutunun
Tarixi etnoqrafiya şöbəsinin böyük
elmi işçisi, tarix üzrə fəlsəfə doktoru, Azərbaycan etnoqrafiyası,
şəhər mədəniyyəti
və xüsusən Təbrizlə bağlı
maraqlı araşdırmaların
müəllifi İlhamə
Məmmədova fikirlərini
bizimlə bölüşdü:
“Etnoqrafiya bir elm kimi, xalqın məişəti ilə yanaşı, onun mədəniyyətini də
tədqiq edir. Bizim şöbə daha çox tarixi etnoqrafiya ilə məşğuldur. Burada qədim
dövr, orta əsrlər, xüsusən
də XIX əsr etnoqrafiyası araşdırılır.
Müxtəlif istiqamətlərdə -maddi və mənəvi
mədəniyyət, xalq
təsərrüfatı kimi
bir çox sahələrdə araşdırmalar
aparırıq. Sovet
dönəmində bu
proses getsə də, milli xüsusiyyətlərin qabardılması
məqamında istənilən
nəticə əldə
olunmayıb. Ona görə də
son dövrlərdə əsas
məqsədimiz təkcə
Azərbaycan Respublikası
ərazisində yox, bütünlükdə dünyada
yaşayan azərbaycanlıların
etnoqrafiyasını öyrənməkdir.
Burada Cənubi Azərbaycan, Gürcüstan
azərbaycanlıları, Dağıstan,
Türkiyədə yaşayan
soydaşlarımız, ümumilikdə
diaspora - Avropada məskunlaşan azərbaycanlıların
fonunda bütünlükdə
Azərbaycanın etnoqrafik
mənzərəsini yaratmaq
məqsədilə maraqlı
tədqiqatlar aparılmaqdadır.
Mən Cənubi Azərbaycan, Təbrizin etnoqrafiyası ilə məşğulam. Bu yaxınlarda “Təbriz şəhərinin maddi mədəniyyəti” adlı
kitabım çapa təqdim olunacaq. Bir çox sahələr, məsələn,
Təbrizin məhəllələri,
yaşayış evləri,
yeməkləri, mətbəx
mədəniyyəti, geyimləri,
parkları, bağları,
meydanları, şəhərin
ziyarətgahları, məscid
və hamamları - yəni maddi mədəniyyəti tərənnüm
edən bütün sahələr kitabda öz əksini tapıb”.
Mütəxəssis Azərbaycan etnoqrafiyasını
şərtləndirən cəhətlərdən
də söz açdı. Bildirdi ki, Azərbaycan
etnoqrafiyası deyəndə
burada yaşayan etnosların etnoqrafiyası
nəzərdə tutulur.
Bu istiqamətdə araşdırmalar
sovet dövründə
də aparılıb,
lakin müstəqillik
illərindən başlayaraq
daha geniş çevrəni əhatə
etməyə başlayıb:
“Məsələn, şəhər
mədəniyyətinin etnoqrafiyası
demək olar ki, öyrənilməyib. Tarixi şəhərlərimiz isə,
ümumiyyətlə, araşdırmalara
cəlb olunmayıb.
Biz mədəni baxımdan bu ərazilərin Azərbaycan
türklərinə aidiyyətini
isbatlayacağıq. Amma milli-mədəni
faktlarda da bu ərazilərin oturaq mədəniyyəti
olan xalqımıza mənsubluğu ortadadır.
Götürək elə Təbriz
mətbəxini. Ermənilər istəsə də onu özününküləşdirə
bilməz. Həmçinin digər yeməkləri.
Lap mənimsədi, sözün
etimologiyasını nə
ilə izah edəcək? Baxın, bu kimi faktlar var və
etnomilli baxımdan məhz bu nüansları
qabartmaqla biz əsl həqiqəti həm onlara, həm də bütünlükdə
dünyaya göstərə
bilərik. Adlar linqvistik
baxımdan araşdırıldıqda
ilk andan yalan üzə çıxır”.
Həmsöhbətim bu sahədə araşdırmaların,
təbliğat işinin
zəifliyindən də
söz açdı:
“Elmi aspektdə araşdırmalar kifayət
qədər geniş vüsət alsa da, onun nəticələrinin
təbliğatı ürəkaçan
səviyyədə deyil.
Xüsusən də dünyanın
əsas elmi jurnallarına çıxış
problemimiz var. Biz öz
həqiqətlərimizi o nəşrlərdə
nümayiş etdirdikdə
təbii ki, dünya elmi ictimaiyyəti onu oxusa mənfur qonşularımızın yalanları
da elmi arenada
ifşa olunmuş olar”.
Azərbaycan etnoqrafiyasının azərbaycançılıq istiqamətində
yenidən araşdırılmasını
vacib sayan mütəxəssis xüsusən
də Cənubi Azərbaycan, Təbriz etnoqrafiyasının araşdırılmalı
olduğunu düşünür:
“Bizim zəngin mənbələrimiz var və təəssüf ki, onlar geniş
araşdırılmayıb. Mən bu mənada Nadir Mirzə Qacarın “Karnamə” əsərini xüsusi qeyd etmək istəyirəm.
Bu əsərdə Dərbənddən başlamış
İran körfəzinədək
bütün xalqların
mətbəx mədəniyyəti
verilib. Daha çox da Təbriz və Bərdə mətbəxindən
geniş söz açılır. Çünki onun xanımı bərdəli idi və o, Təbrizdə yaşamışdı. Bundan
başqa, Şah Abbasın aşbazları Məhəmmədəli Bavərçi
və Nurullah aşbazın “Səfəvilər
dövrünün xörəkləri”
adlı böyük bir əsəri var, indi onun
üzərində iş
gedir və tərcümə olunaraq çap olunacaq. Bax, həmin nümunələrdə
bu gün mənfur qonşuların öz adlarına çıxmağa cəhd
etdikləri əksər
təamlar barədə
geniş məlumatlar verilir”.
H.Nizamiqızı
Qeyd: “Mədəniyyət”
qəzetinin 11 iyun 2014-cü il tarixli sayında (səh.
15) qəzetin əməkdaşı Savalan
Fərəcovun “Təbrizin mərasim yeməkləri” məqaləsində
İlhamə Məmmədovanın “Milli
Azərbaycan Tarixi Muzeyi”
jurnalının 2013-cü il sayında dərc
olunan “Təbriz şəhərinin mərasim
yeməkləri” adlı məqaləsindən istifadə olunmuşdur.
Mədəniyyət.- 2014.- 5
dekabr.- S. 12.