“Əsrin müqaviləsi”: Azərbaycan neft strategiyasının təməl daşı

Azərbaycan Turizm İnstitutunda (ATİ) tarix üzrə fəlsəfə doktoru Ərəstun Mehdiyevin «Əsrin müqaviləsi: Azərbaycan neft strategiyasının təməl daşı» monoqrafiyasının təqdimatı keçirilib. ATİ-nin rektoru, tarix elmləri doktoru Cəfər Cəfərov kitabın müasir tariximizin öyrənilməsində əhəmiyyətini diqqətə çatdırıb.

AMEA-nın A.Bakıxanov adına Tarix İnstitutunun direktor müavini, professor Cəbi Bəhramov kitab haqqında ətraflı söz açıb. Qeyd edib ki, 1994-cü ildə ulu öndər Heydər Əliyevin möhkəm iradəsi sayəsində imzalanan “Əsrin müqaviləsi» müstəqil Azərbaycan iqtisadiyyatının bünövrəsini təşkil edir. Monoqrafiyada həmin proseslər dərindən tədqiq edilib.

ATİ-nin ictimai fənlər kafedrasının müdiri İbrahim Əliyev, AMEA-nın Tarix İnstitutunun şöbə müdiri Qasım Hacıyev, ATİ-nin tədqiqat və inkişaf şöbəsinin müdiri Xaləddin İbrahimli, elmi katibi Məhərrəm Zülfüqarlı çıxış edərək, bu istiqamətdə tədqiqatların davam etdirilməsinə ehtiyac olduğunu bildiriblər.

Fəxriyyə

Mədəniyyət.- 2014.- 10 dekabr.- S. 4.