Böyük Britaniya universitetində “Azərbaycan günü”

Böyük Britaniyanın “City” Universitetində fəaliyyət göstərən Azərbaycan Cəmiyyətinin təşkilatçılığı ilə “Azərbaycan günü” keçirilib. Tədbirdə müxtəlif ölkələrdən tələbələr iştirak ediblər.

Cəmiyyətin sədri Azər Əsgərov rəhbərlik etdiyi qurumun fəaliyyəti və gələcək planları haqqında danışıb. Azərbaycanın tarixi, mədəniyyəti və strateji mövqeyi haqqında məlumat verən A.Əsgərov 2015-ci ildə ölkəmizdə keçiriləcək birinci Avropa Oyunlarının əhəmiyyətini vurğulayıb.

Tədbir çərçivəsində paytaxt Bakının köhnə və müasir görüntülərini əks etdirən videoçarx nümayiş etdirilib, həmçinin fotosərgi təşkil edilib. Tədbirdə iştirak edən tələbələrə ölkəmizin mədəniyyətini, tarixini, incəsənətini, turizm potensialını və s. əks etdirən jurnal və bukletlər paylanıb. “Azərbaycan günü” xarici qonaqlarda böyük maraq doğurub.

Mədəniyyət.- 2014.- 12 dekabr.- S. 5.