Türkiyə və Azərbaycan mediası:tarixi müqayisələr və ənənəvi mediadan onlayn mediaya keçid

Dekabrın 11-də Beynəlxalq Mətbuat Mərkəzində “Türkiyə və Azərbaycan mediası: tarixi müqayisələr və ənənəvi mediadan onlayn mediaya keçid” mövzusunda konfrans keçirilib. Tədbir Azərbaycan Mətbuat Şurasının, Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun, Türkiyənin Azərbaycandakı Səfirliyi, Türk Əməkdaşlıq və Koordinasiya Agentliyinin (TİKA) Bakı nümayəndəliyi, TRT-nin və “Anadolu” agentliyinin ölkəmizdəki nümayəndəliklərinin birgə təşkilatçılığı ilə reallaşıb.

Konfransda TRT telekanalının baş direktoru Şenol Goka, Türkiyə Mətbuat və İnformasiya İdarəsinin rəhbəri Əli Günəş, türkiyəli media təmsilçiləri, ölkəmizin aparıcı kütləvi informasiya vasitələrinin rəhbərləri iştirak edib. Qeyd edək ki, Türkiyə media nümayəndələrinin səfər proqramına ölkəmizin telekanallarında çıxışları, Quba məzarlığını ziyarət, Bakı Dövlət Universitetində və Bakı Slavyan Universitetində tələbələrlə görüş daxildir. TRT-nin baş direktoru Şenol Gökanın AzTV, İTV və özəl televiziyaların rəhbərləri, Azərbaycan Mətbuat Şurasının sədri ilə görüşləri nəzərdə tutulub.

Mədəniyyət.- 2014.- 12 dekabr.- S. 4.