Gənc modelyer Moskvada uğur qazanıb

Dekabrın 13-14-də Moskvada “Etno-Erato” II Avrasiya yüksək milli geyim modası müsabiqəsi keçirilib. Ümumrusiya Azərbaycanlıları Konqresinin əsas sponsorlarından biri olduğu müsabiqəyə Rusiyanın və MDB ölkələrinin yüzədək modelyeri qatılıb.

Müsabiqədə ölkəmizi gənc və istedadlı modelyerlər Zümrüd Mirzəliyeva və Nərgiz İmanova təmsil ediblər. Zümrüd Mirzəliyevanın kolleksiyası “Müasir geyimdə etnik motivlər” nominasiyasında ikinci yeri tutub. “Etno-Erato” II Avrasiya yüksək milli geyim modası müsabiqəsi 15 ildir Moskva hökumətinin dəstəyi ilə keçirilir.

Layihə müxtəlif xalqların mədəniyyətlərinə inteqrasiyaya, etnomədəni dialoqun inkişafına dəstək məqsədi daşıyır.

Mədəniyyət.- 2014.- 19 dekabr.- S. 13.