Tarixi həqiqətlərin işığında

Zərdab Rayon Mərkəzləşdirilmiş Kitabxana Sisteminin (MKS) Mərkəzi kitabxanasında Prezident Administrasiyasının rəhbəri, akademik Ramiz Mehdiyevin “Ermənilərin mif yaradıcılığı” kitabının müzakirəsi və müəllifin “İkili standartların dünya nizamı və müasir Azərbaycan” adlı məqaləsinin xülasəsi keçirilib.

Tədbiri MKS-nin direktoru Nailə Əliyeva açaraq kitabın mənfur erməni xislətinin dünyaya çatdırılmasında böyük əhəmiyyət daşıdığını bildirib. Akademikin “İkili standartların dünya nizamı və müasir Azərbaycan” adlı məqaləsi dünyada baş verən prosesləri dərk etmək və düzgün qiymətləndirmək üçün qiymətli mənbədir.

Kitabxananın dövri mətbuat zalının müdiri Leyla İsgəndərli məqalənin qısa xülasəsini diqqətə çatdırıb. Kitabxananın əməkdaşları Gülzar Qasımova, Gülüstan Rəhimova, Lalə Niftalıyeva, Nisə Əliyeva kitabın və məqalənin əhəmiyyəti haqqında fikirlərini bildiriblər.

Mədəniyyət.- 2014.- 26 dekabr.- S. 13.