Xalq artisti Muxtar Avşarovun xatirəsi anılıb
Fevralın 17-də Azərbaycan Teatr Xadimləri İttifaqında Xalq artisti, tanınmış aktyor Muxtar Avşarovun
anadan olmasının
100 illiyinə həsr
edilmiş yubiley tədbiri keçirilib.
Tədbirdə çıxış edən
Teatr Xadimləri İttifaqının sədri,
Xalq artisti Azər Paşa Nemətov Azərbaycan kino və teatr
sənətinin inkişafında
özünəməxsus xidmətləri
olan Muxtar Avşarovun yaradıcılığından
söhbət açıb.
Bildirilib ki, aktyorun zəngin
yaradıcılığı kino və teatr
tariximizdə ayrıca
səhifədir. Müsbət və yaxud mənfi surətlərdən
asılı olmayaraq, onları peşəkarcasına
yaratması onu tamaşaçılara sevdirən
başlıca cəhət
olub.
Sənətşünaslıq doktoru, professor Məryəm
Əlizadə sənətkarın
həyat və yaradıcılığı haqqında
ətraflı məlumat
verib. Diqqətə çatdırılıb ki,
Azərbaycan realist aktyor
nəslinin görkəmli
nümayəndəsi Muxtar
Avşarov 1914-cü il fevralın 15-də
Qərbi Azərbaycanın
İrəvan şəhərində
dünyaya göz açıb. Aktyor Gəncə Dövlət
Dram Teatrında çalışdığı
30 il ərzində
yüzə yaxın obraz yaradıb. 1968-ci ildə Azərbaycan
Akademik Milli Dram Teatrına dəvət edilən sənətkar
1990-cı ilin sonlarınadək
burada çalışıb.
Həmçinin Bakı Bələdiyyə
Teatrının səhnəsində
maraqlı rolları ilə yadda qalıb.
Ömrünün 65 ilini peşəkar
səhnəyə həsr
etmiş sənətkar
“Axırıncı aşırım”,
“Dəli Kür”, “Kişi sözü”, “Tütək səsi”, “Qatır Məmməd”, “Gün keçdi” və digər filmlərdə rəngarəng
obrazlar qalereyası yaradıb. M.Avşarov
2004-cü il dekabrın 1-də dünyasını
dəyişib.
Yubiley gecəsində Milli Məclisin deputatları Fəttah Heydərov, Abel Məhərrəmov, xalq artistləri Ağakişi
Kazımov, Rafiq Əzimov və başqaları çıxış
edərək Muxtar Avşarovun təkrarolunmaz
aktyorluq bacarığından,
insani keyfiyyətlərindən
danışıb, onunla
bağlı xatirələrini
bölüşüblər. Vurğulanıb ki, görkəmli
sənətkarın fəaliyyəti
daim dövlətimiz tərəfindən yüksək
qiymətləndirilib, o, “Şöhrət”
ordeninə layiq görülüb, Prezident
təqaüdçüsü olub.
Tədbirdə Muxtar Avşarovun həyat və sənət yoluna həsr edilmiş
fotosərgi açılıb, aktyorun iştirak etdiyi filmlərdən
fraqmentlər göstərilib.
Mədəniyyət.- 2014.- 19
fevral.- S. 3.