“Xocalı harayı”

 

Tərtər rayon Mərkəzləşdirilmiş Kitabxana Sistemində Xocalı soyqırımının 22-ci ildönümü ilə əlaqədar anım tədbiri keçirilib. “Xocalı harayı” adlı tədbirdə qan yaddaşımızın bu acı səhifəsindən söz açılıb. Faciənin canlı şahidləri həmin müdhiş gecədə əliyalın insanların başına gətirilmiş müsibətlərdən, dağıdılmış, viran olmuş Xocalıdan xatirələr danışıblar. İştirakçılar faciəyə həsr edilmiş sərgi ilə də tanış olublar. Tədbirdə məktəblilərin iştirakı ilə ədəbi-bədii kompozisiya nümayiş olunub, şeirlər söylənilib, Xocalı haqqında kitablardan parçalar oxunub.

 

Mədəniyyət.- 2014.- 21 fevral.- S. 7.