“Xoca” filmi Afinada nümayiş olunub

Azərbaycanın Yunanıstandakı səfirliyinin təşkilatçılığı ilə Afinanın kinoteatrlarından birində Vahid Mustafayevin “Xoca” bədii filmi nümayiş olunub.

Filmi izləyənlər arasında Yunanıstan parlamentinin deputatları, Yunanıstan-Azərbaycan parlamentlərarası dostluq qrupunun üzvləri, elmi ictimaiyyətin nümayəndələri, jurnalistlər, Yunanıstan-Azərbaycan Gənclər Mərkəzinin fəalları, Afina sakinləri olub.

Ölkəmizin Yunanıstandakı səfiri Rəhman Mustafayev filmin nümayişindən əvvəl çıxış edərək Xocalı soyqırımı haqqında danışıb: “Film soyqırımı qurbanlarının xatirəsinə ehtiramın əlamətidir. Bu faciələri xatırlamasaq, günahkarları məsuliyyətə cəlb etməsək, belə hadisələr yenə təkrarlana bilər”.

Mədəniyyət.- 2014.- 28 fevral.- S. 2.