Qastrol səfəri uğurla başa çatıb

Sumqayıt Dövlət Dram Teatrının kollektivi Gürcüstana qastrol səfərindən qayıdıb. İyulun 6-dan 11-dək davam edən səfər müddətində yaradıcı heyət Con Patrikin “Qocanı öldürməliyik” tamaşasını nümayiş etdirib.

Xalq artisti Svetlana Həkimovanın tərcüməsi əsasında hazırlanan tamaşanın quruluşçu rejissoru Tatyana Şevçenko, qurluşçu rəssamı Yelena Karpenko, geyim üzrə rəssamı Sergey Karpenko (hər üçü Ukraynadan dəvət olunub), bəstəkarı Telman Qəniyevdir.

Rolları Əməkdar artist İzaməddin Bağırov, İlahə Səfərova, Rauf Ağakişiyev, Cəlal Məmmədov, Sədaqət Nuriyeva, Yalçın Səlimov və başqaları ifa edirlər.

Mədəniyyət. - 2014.- 18 iyul.- S. 5.