TÜRKSOY “İpək Yolu” festivalının təşkilat komitəsinə təşəkkür edib

Mədəniyyət və Turizm Nazirliyinin dəstəyi, Azərbaycan Bəstəkarlar İttifaqının və Şəki Şəhər İcra Hakimiyyətinin təşkilatçılığı ilə 1-5 iyul tarixində Şəkidə keçirilən “İpək Yolu” V beynəlxalq musiqi festivalı TÜRKSOY tərəfindən yüksək qiymətləndirilib.

TÜRKSOY-un baş katibi Düsen Kaseinovun adından Azərbaycan Bəstəkarlar İttifaqına göndərilən fəxri fərmanlarda festivalın keçirilməsində əməyi keçənlərə təşəkkür ifadə olunub. Bəstəkarlar İttifaqından verilən məlumata görə, “İpək Yolu” beynəlxalq musiqi festivalının təşkilat komitəsinin üzvləri - festivalın rəhbəri, Xalq artisti Firəngiz Əlizadə, festivalın eksperti, professor Cəmilə Həsənova, festivalın beşilliyinə həsr edilən bukletin tərtibatçısı Xanlar Novruzov və festivalın əlaqələndiricisi Rüfət Ramazanov TÜRKSOY-un fəxri fərmanına layiq görülüblər.

Mədəniyyət. - 2014.- 23 iyul.- S. 5.