Günayteatr studiyasının mövsümdə son premyerası

 

Bakı Uşaq Teatrının nəzdində fəaliyyət göstərənGünayteatr studiyası özünün 9-cu mövsümünü başa vurur. Kollektivin mövsümdə son çıxışı iyunun 15-də R.Behbudov adına Dövlət Mahnı Teatrında olacaq. İkihissəli tədbirdə əvvəlcə vokal xoreoqrafik nömrələr, sonra isə E.Hofmanın eyniadlı nağılı əsasında hazırlanmışŞelkunçiktamaşasının premyerası təqdim ediləcək.

Birinci hissədə beynəlxalq müsabiqələr laureatları Səbinə Məmmədova Leyla Yusubova, Moskvada keçirilənCanlı klassikamüsabiqəsinin qalibi Nəzrin Arıxova, beynəlxalq vokal müsabiqələrinin qalibi Eldar Tahirov, “Günayrəqs qrupu çıxış edəcək.

Daha sonra nümayiş olunacaqŞelkunçiktamaşasının quruluşu musiqi tərtibatı teatr studiyasının rəhbəri Larisa Tarusovaya, rəqslərin quruluşu isə Günəş Talıbovaya məxsusdur. Tamaşada P.Çaykovskinin musiqisindən istifadə olunub. Baş rolları Elina Kainbekova, Maksim Korşunov, Leyla Yusubova, Leyla Mürşüdova, Gülər Aslanova Akim Şeqlov oynayırlar.

 

Mədəniyyət.- 2014.- 13 iyun.- S. 6