Turizmin inkişafında əhəmiyyətli tədbirlərin rolu

 

Mədəniyyət və turizm naziri Soçi şəhərində beynəlxalq konfransda iştirak edib

 

16-17 iyun tarixində BMT-nin Dünya Turizm Təşkilatı və Rusiyanın Turizm üzrə Federal Agentliyinin birgə təşkilatçılığı ilə Soçi şəhərində "Turizmin inkişafında əhəmiyyətli tədbirlərin rolu" mövzusunda konfrans keçirilib. Konfransda Azərbaycan Respublikasının mədəniyyət və turizm naziri Əbülfəs Qarayevin rəhbərliyi ilə nümayəndə heyəti iştirak edib. Heyətə "Şahdağ” Qış-Yay Turizm Kompleksinin müdiriyyətinin direktoru Emin Həşimov, nazirliyin Turizm şöbəsinin müdir müavini Rauf Paşayev, Bakı Turizm İnformasiya Mərkəzinin direktoru Zakir Əliyev və başqaları daxil idi.

Tədbirə Dünya Turizm Təşkilatının baş katibi Taleb Rifai, Azərbaycanla yanaşı, Argentina, Bolqarıstan, Macarıstan, Yunanıstan, Misir, İspaniya, Qazaxıstan, ÇinKambocadan turizm nazirləri və məsul şəxslər qatılıb.

Əbülfəs Qarayev konfransda "Turizm destinasiyalarının inkişafında əhəmiyyətli tədbirlərin iqtisadisosial mexanizmi" mövzusunda çıxış edib. Nazir turistlərin ölkəmizə cəlb edilməsində Bakıda keçirilmiş "Eurovision-2012" mahnı müsabiqəsinin böyük rolu olduğunu vurğulayaraq ölkəmizin bu sahədə təcrübəsini paylaşıb.

Səfər çərçivəsində Əbülfəs Qarayev Rusiya Federasiyasının mədəniyyət naziri Vladimir Medinski, DTT-nin baş katibi Taleb RifaiSoçi şəhərinin meri Anatoli Paxomov ilə görüşlər keçirib. Tədbir çərçivəsində iştirakçılar Soçinin olimpiya infrastrukturu ilə də tanış olublar.

 

Mədəniyyət.- 2014.- 18 iyun.- S. 4..