Turizm İnstitutu daha bir beynəlxalq quruma üzv seçilib

Azərbaycan Turizm İnstitutu (ATİ) ötən ilin noyabrında Dünya Turizm Təşkilatının (DTT) mühüm qurumlarından sayılan «Bilik Şəbəkəsi» Komitəsinə üzv olmaq üçün rəsmən müraciət etmişdi. Müraciətdə ali təhsil ocağı ilə bağlı məlumatlar - yaranma tarixi, məqsəd və əsas prinsipləri, beynəlxalq təşkilat və qurumlarla əlaqələri, DTT-yə qoşulmuş üzv kimi «Bilik Şəbəkəsi» Komitəsinin uğurlu fəaliyyətinə dair təkliflər yer almışdı.

Bu günlərdə ATİ-nin DTT-nin «Bilik Şəbəkəsi»nə üzv seçilməsi ilə bağlı instituta qurumun səlahiyyətli nümayəndəsi İgnacio Rosun imzası ilə məktub gəlib. Beləliklə, Turizm İnstitutu daha bir beynəlxalq quruma üzv olub.

Fəxriyyə Abdullayeva

Mədəniyyət.- 2014.- 12 mart.- S. 9.