Gənc istedadlar “Zolotaya pçyolka” festivalında

Mayın 28-də Belarusun Klimoviçi şəhərində “Zolotaya pçyolka” XIV beynəlxalq uşaq yaradıcılığı festivalı başlanıb. İyunun 1-dək davam edəcək festivala 12 ölkənin gənc istedadları - 700 nəfərdən çox iştirakçı qatılıb. Festivala Azərbaycan, Qazaxıstan, Özbəkistan, Türkmənistan, Qırğızıstan, Latviya, Moldova, Rusiya, Ukrayna və s. ölkələrdən nümayəndələr dəvət olunub.

“Qonaqpərvərlik ili” devizi altında keçirilən tədbirin proqramı müxtəlif proqramlar və müsabiqə layihələri ilə zəngindir. Tədbirin qonaqlarını uşaqlar üçün əmtəə və qida məhsulları istehsal edən Belarus müəssisələrinin məhsullarının geniş satış-sərgisi gözləyir. Musiqi bayramının sonunda, iyunun 1-də festival laureatlarının mükafatlandırılması mərasimi və böyük yekun konserti olacaq.

“Zolotaya pçyolka” festivalı 1996-cı ildən keçirilir. 2001-ci ildə müsabiqə beynəlxalq status alıb.

Mədəniyyət.- 2014.- 30 may.- S. 3.