Fotoqraflar Birliyinin
növbəti “açıq qapı” günü
Noyabrın 2-də
Azərbaycan Fotoqraflar Birliyinin
ənənəvi olaraq hər ayın
yekunları ilə bağlı təşkil etdiyi
“açıq qapı” günü keçirildi.
Tədbirdə Fotoqraflar Birliyi və Xətai Sənət Mərkəzinin birgə layihəsi olan fotomüsabiqənin oktyabr ayı üçün (“Ailə” mövzusunda) nəticələri açıqlandı. Bildirildi ki, bu dəfə müsabiqəyə 13 fotoqrafın işləri təqdim olunub. Ramiz Tarverdiyev, Fərid Məmmədov və Rauf Umudovdan ibarət münsiflər heyətinin qiymətləndirməsinə əsasən, I yerə İradə Qədirova, II və III yerlərə Ruslan Məmmədov və Fərqanə Qasımlı layiq görülüb.
Sonra Özbəkistanda keçirilmiş foto festivalda uğurla iştirak etmiş İlqar Cəfərov, Arzu Mürvətova və Zemfira Mahmudovanın işlərindən ibarət təqdimat oldu.
Tədbirdə “İRS” nəşriyyat evi, “İRS” beynəlxalq jurnalının redaksiya heyəti və Fotoqraflar Birliyinin birgə layihəsi olan “Mənim Bakım” fotomüsabiqəsi haqqında məlumat verildi. 2015-ci ilin yayında Bakıda keçiriləcək I Avropa Olimpiya Oyunlarına həsr olunan müsabiqənin nəticələri dekabrın 10-da elan ediləcək, münsiflər heyətinin seçdiyi ən yaxşı işlər “İRS” nəşriyyatı tərəfindən hazırlanan “Bakı simfoniyası” fotoalbomunda dərc ediləcək.
Birliyin sədri Mirnaib Həsənoğlu “Photo-school.eu”
online məktəbi haqqında
danışdı. “İlin
fotoqrafı-2014” mükafatlandırma tədbirinə
hazırlıq barədə məlumat verildi.
Tədbir dekabrın 20-də Nizami Kino Mərkəzində keçiriləcək.
Mədəniyyət.- 2014.- 5
noyabr.- S. 7.