“Şahdağ” turizm kompleksində təlim-tədris kursları

Azərbaycanın Mədəniyyət və Turizm Nazirliyi Türkiyənin Mədəniyyət və Turizm Nazirliyi ilə əməkdaşlıq çərçivəsində respublikanın turizm potensiallı şəhər və rayonlarında fəaliyyət göstərən mehmanxana və mehmanxana tipli obyektlərdə çalışanlar üçün mütəmadi təlim-tədris kursları təşkil edir.

Qış mövsümünün yaxınlaşması nəzərə alınaraq noyabrın 17-də Qusar rayonundakı "Şahdağ" qış-yay turizm kompleksində xidmət sahəsi üzrə təlim-tədris kursları başlanıb. Noyabrın 24-dək davam edəcək layihənin məqsədi "Şahdağ" turizm kompleksində xidmət səviyyəsinin günün tələbi səviyyəsində qurulmasıdır.

Kurslarda beş sahə - mehmanxana idarəçiliyi, qeyd-qəbul, xadiməçilik, masa xidməti və yeməklərin hazırlanması - mətbəxdə qida gigiyenası ixtisasları üzrə dərsləri Türkiyədən dəvət olunmuş müəllimlər tədris edir.

Mədəniyyət.- 2014.- 19 noyabr.- S. 2.