“Xalqların adət-ənənələri və mətbəxi” festivalında Azərbaycan guşəsi

Daşkənddəki Britaniya məktəbində “Xalqların adət-ənənələri və mətbəxi” adlı festival keçirilib. Tədbirdə Daşkənddə fəaliyyət göstərən səfirlik, beynəlxalq təşkilat və mədəniyyət mərkəzlərinin nümayəndələri tərəfindən öz xalqlarına məxsus adət-ənənələr nümayiş olunub, milli yemək və şirniyyatlar təqdim edilib.

Festivalda Özbəkistandakı səfirliyimiz və səfirliyin nəzdindəki Heydər Əliyev adına Azərbaycan Mədəniyyət Mərkəzi də təmsil olunub.

Azərbaycan guşəsində ölkəmizin iqtisadi inkişafı, tarixi, mədəniyyəti, turizm potensialı ilə bağlı nəşrlər nümayiş etdirilib. Qonaqlar milli məişət əşyalarına, qədim musiqi alətlərinə, suvenirlərə maraqla baxıblar. İştirakçılar şəkərbura, paxlava, qoğal və digər şirniyyatlarımıza qonaq edilib. AMM-in “Azərbaycan qızları” uşaq rəqs ansamblının ifasında təqdim edilən milli rəqslərimiz böyük maraq doğurub.

Mədəniyyət.- 2014.- 26 noyabr.- S. 9.