Macarıstanda payız festivalında Azərbaycan rəqsləri

Hər il oktyabrın 3-dən 18-dək Budapeştdə Müasir İncəsənət Festivalı (payız festivalı) keçirilir. Builki festival çərçivəsində şəhərin müxtəlif hissələrində 100-dən artıq mədəniyyət tədbiri təşkil olunub.

Budapeşt sakinlərinin maraqla izlədikləri proqramlardan biri də Azərbaycanın Macarıstandakı səfirliyinin dəstəyi və Terezvaroş Mədəniyyət Mərkəzinin təşkilatçılığı ilə gerçəkləşib. Bakı Xoreoqrafiya Akademiyasının yetirməsi, Macarıstanda yaşayan Viktoriya Podolskayanın ifasında Azərbaycan milli rəqslərindən ibarət rəngarəng proqram festival iştirakçılarının böyük marağına səbəb olub.

Mədəniyyət.- 2014.- 22 oktyabr.- S. 10.