Ədəbiyyat Muzeyində elmi seminar

AMEA-nın Nizami Gəncəvi adına Milli Azərbaycan Ədəbiyyatı Muzeyində elmi seminar keçirilib. Seminarda muzeyin ekspozisiyanın qorunması, izahı və audio müşayiətin təmini şöbəsinin elmi işçisi Nailə Dadaşovanın “Ada-muzey” mövzusunda məruzəsi dinlənilib. Məruzə Şimali Kiprin tarixi abidə və muzeylərinə virtual ekskursiya xarakteri daşıyıb.

Kipr adası, Girne şəhəri və buradakı tarixi yerlər haqqında rəngarəng slaydların təqdimatı, “Batıq gəmi” muzeyi, orta əsrlərin “İşgəncələr muzeyi” və s. haqqında zəngin informasiya dinləyicilərin marağına səbəb olub.

N.Dadaşova bu tarixi ərazilərdə muzeylərin təşkil olunmasında Azərbaycan Rəssamlar İttifaqının da rolunu qeyd edərək 2012-ci ilin ən yaxşı muzeylərindən biri seçilmiş “Batıq gəmi” muzeyinin qurucusu olan azərbaycanlı rəssam Ədalət Dadaşovun xidmətlərindən bəhs edib.

Mədəniyyət.- 2014.- 10 yanvar.- S. 13.