“Mən azərbaycanlıyam” mövzusunda bədii qiraət müsabiqəsi

Mədəniyyət və İncəsənət Universitetinin və “Hicaz Production”un təşkilatçılığı ilə Mikayıl Müşfiq adına 18 nömrəli pilot məktəbdə 20 Yanvar - Ümumxalq Hüzn Gününə həsr olunmuş “Mən azərbaycanlıyam” mövzusunda üçüncü bədii qiraət müsabiqəsi keçirilib.

Müsabiqədə 20 şagird növbə ilə ölməz şairlərin Vətənə, dövlət bayrağına aid şeirlərini söyləyiblər. Daha sonra yarışmanın tanınmış mədəniyyət və incəsənət xadimlərindən ibarət münsiflər heyətinin səsverməsi nəticəsində ilk üçlük müəyyən edilib. Qaliblər Hüseynağa Aslanov, Tahirə Ağayeva və Rəna Məmmədova fəxri fərmanlar və hədiyyələrlə mükafatlandırılıblar.

Mədəniyyət.- 2014.- 22 yanvar.- S. 3.