Teatr-məktəb əlaqələri genişlənir

Gənc Tamaşaçılar Teatrı təhsil müəssisələri ilə yaradıcılıq əlaqələrini davam etdirməkdədir. Kollektiv Bakı şəhəri Yasamal rayonu 53 saylı, Xətai rayonu 171 saylı və Nizami rayonu 328 saylı məktəblərinin müəllim və şagird kollektivi qarşısında görkəmli dramaturq İlyas Əfəndiyevin “Sarıköynəklə Valehin nağılı” romanı əsasında hazırlanmış eyniadlı tamaşanı nümayiş etdirib.

Müəllim və şagirdlər çıxış edərək teatrın rəhbərliyinə və aktyorlara suallar ünvanlayıblar. Yasamal rayonu 53 saylı tam orta məktəbin direktoru Firəngiz Həsənova Gənc Tamaşaçılar Teatrının yürütdüyü uğurlu repertuar siyasətinin məktəblilərin tərbiyəsində rolundan, uşaq və gənclərdə teatra olan sevginin artırılması istiqamətində həyata keçirilən tədbir və layihələrdən danışıb.

Mədəniyyət.- 2015.- 15 aprel.- S. 5.