İlk milli atıcı
diviziyanın komandiri
Avqustun 7-də Azərbaycan
Hərb Tarixi Muzeyində general Cəmşid
Naxçıvanskinin anadan
olmasının 120 illik
yubileyinə həsr edilmiş tədbir keçirildi.
Tədbiri giriş sözü ilə açan muzeyin rəisi, ehtiyatda olan polkovnik Əzizağa Qənizadə sərkərdənin
həyat və fəaliyyətindən, hərb
tariximizdə rolundan danışdı. Qeyd olundu ki, Naxçıvan xanları
nəslinin hərb peşəsinə marağı
Cəmşid Naxçıvanskidən
də yan keçməyib. 1907-1914-cü illərdə Tiflisdə kadet məktəbində təhsil alan
Cəmşid 1915-ci ildə
Yelizavetqrad (Qərbi Ukrayna) qvardiya məktəbini uğurla bitirib. I Dünya müharibəsində, xüsusilə
də “Brusilov cəbhəsi”nin yarılmasında
göstərdiyi şücaət,
Azərbaycan Xalq Cümhuriyyəti dövründə
Bakının daşnak-bolşevik
qüvvələrindən təmizlənməsi,
Qarabağda türk-müsəlman
əhalini qırğına
məruz qoyan erməni silahlı birləşmələrinə qarşı
mübarizəsi və
sovet dövründə
Azərbaycanın ilk milli
atıcı diviziyasına
komandirlik etməsi onun həm hərbçi
kimi peşəkarlığını,
həm də bir azərbaycanlı kimi vətənpərvərliyini
göstərir.
SSRİ-nin qırmızı terror
dalğası nəticəsində
neçə-neçə soydaşımız
kimi, C.Naxçıvanski
də saxta ittihamlarla 1938-ci il
avqustun 26-da repressiyaya
məruz qalıb. Ancaq onun hərb sənəti tariximizdə
xidmətləri sonralar
öz qiymətini aldı. Ulu öndər Heydər
Əliyevin təşəbbüsü
ilə milli hərbi kadrların hazırlanması məqsədilə
1971-ci ildə Bakıda
hərbi təmayüllü
məktəb açıldı.
Məktəbə general Cəmşid Naxçıvanskinin adının
verilməsi isə hərb tariximizin qəhrəmanlarının yaddaşlarda
yaşaması istiqamətində
çox mühüm addım oldu.
Prezident Administrasiyası İctimai-siyasi
məsələlər şöbəsinin
baş məsləhətçisi
Rasim Mirzəyev bildirdi ki, bu
cür görkəmli
hərbi xadimlərimizin
yubileylərinin yüksək
səviyyədə qeyd
edilməsi gənclərə
hərbi-vətənpərvərlik duyğularının aşılanmasında
mühüm rol oynayır.
Müdafiə Nazirliyi hərbi orkestr xidmətinin rəisi, general-mayor Yusif Axundov qeyd etdi
ki, C.Naxçıvanskinin
adını daşıyan
hərbi lisey milli hərbi kadrların hazırlanmasında
əvəzsiz rol oynayıb. Məhz bu məktəbin
məzunları Azərbaycan
müstəqilliyini bərpa
etdikdən sonra ordumuzun formalaşmasına
mühüm töhfələr
verib.
Müdafiə Nazirliyinin Mənəvi-psixoloji
hazırlıq və ictimaiyyətlə əlaqələr
idarəsi rəisinin müavini, polkovnik Abdulla Qurbani bu ilin
əvvəlindən görkəmli
hərbi xadimin yubileyi münasibətilə
silsilə tədbirlər
keçirildiyini diqqətə
çatdırdı: “Belə
tədbirlərdən birini
Göygöl rayonunda keçirdik. 1918-1920-ci illərdə Göygöl
rayonu ərazisindəki
hündür təpələrdən
birində Cəmşid
Naxçıvanskinin komanda-müşahidə
məntəqəsi olub.
Elə bu gün də
əhali həmin təpəni “Xan Naxçıvanski dağı”
adlandırır”.
Sonda generalın
fəaliyyətinə həsr
edilmiş “Əsrin qəhrəmanı” adlı
film nümayiş olundu. Tədbir Azərbaycan
Hərb Tarixi Muzeyinin həyətində
hərbi-vətənpərvərlik mövzusunda mahnıların
ifa olunduğu konsert proqramı ilə davam etdi.
Fariz Hüseynov
Mədəniyyət.- 2015.- 19
avqust.- S. 15.