Goranboy rayonunun yubileyi qeyd edilib

Avqustun 7-də Goranboy rayonunun yaradılmasının 85 illik yubileyi ilə əlaqədar rayondakı Heydər Əliyev Mərkəzində konfrans keçirilib. Bildirilib ki, rayon Azərbaycan SSR Mərkəzi İcraiyyə Komitəsinin və Xalq Komissarları Sovetinin 8 avqust 1930-cu il tarixli qərarı ilə yaradılıb.

İcra Hakimiyyətinin başçısı Nizaməddin Quliyev əlamətdar gün münasibətilə tədbir iştirakçılarına xoş arzularını çatdırıb, rayonun qabaqcıl şəxslərinə, əmək veteranlarına fəxri fərmanlar təqdim edib. Yubiley tədbiri maraqlı konsert proqramı ilə başa çatıb.

Mədəniyyət.- 2015.- 19 avqust.- S. 10.