MDB məkanında əməkdaşlıq sənədləri müzakirə olunub

Avqustun 19-da Belarusun paytaxtı Minskdə, Müstəqil Dövlətlər Birliyi (MDB) İcraiyyə Komitəsində qurumun Səlahiyyətli Daimi Nümayəndələri Şurasının növbəti iclası keçirilib. İclasda MDB-nin ali orqanlarının payızda keçiriləcək iclaslarının gündəliklərinin layihələri nəzərdən keçirilib.

MDB ölkələrinin Dövlət Başçıları Şurasının 2015-ci il oktyabrın 16-da Astanada keçiriləcək iclasında BMT-nin yaradılmasının 70 illiyinə həsr edilmiş sənədlərin layihələri müzakirə ediləcək. Bundan əlavə, dövlət başçıları miqrasiya sahəsində əməkdaşlıq, mədəniyyət, fövqəladə vəziyyətlərin qarşısının alınması və onların nəticələrinin aradan qaldırılması, sərhədlərin qorunması, habelə hərbi sahədə qarşılıqlı fəaliyyətin genişləndirilməsinə dair məsələləri tənzimləyən sənədlər qəbul edəcəklər.

Mədəniyyət.- 2015.- 21 avqust.- S. 3.