İSESCO
nümayəndə heyəti ilə görüş
Avqustun 27-də mədəniyyət və turizm naziri Əbülfəs Qarayev İSESCO nümayəndə heyəti ilə görüşüb. Nümayəndə heyətinə İSESCO İcraiyyə Şurası katibliyi, Baş Konfrans və Xüsusi Nazirlər Konfranslarının direktoru Məhəmməd Qemari rəhbərlik edirdi.
Görüş zamanı bu ilin 23-27 noyabr tarixlərində Bakıda keçiriləcək İSESCO İcraiyyə Şurasının 36-cı sessiyası və 12-ci Baş Konfransın təşkilati məsələləri müzakirə edilib.
Görüşdə Azərbaycan Respublikasının Prezidenti İlham Əliyev və birinci xanım Mehriban Əliyeva tərəfindən islam dünyasında həmrəyliyə, əməkdaşlığın inkişafına və islam mədəni irsinin qorunmasına göstərilən xüsusi diqqət vurğulanıb.
Qeyd edilib ki, konfransda İSESCO-ya üzv olan bütün ölkələrdən nazirlər və islam dünyasının nüfuzlu beynəlxalq qurumlarının rəhbərləri iştirak edəcək.
Yekunda sözügedən tədbirlərin
təşkili ilə bağlı tələbləri əks
etdirən sənəd imzalanıb.
Mədəniyyət.- 2015.- 28 avqust.-
S. 2.