Şagirdlər AMEA-nın yubiley sərgisi ilə tanış olublar

Dekabrın 8-də 132-134 nömrəli təhsil kompleksinin müəllim və şagirdləri AMEA-nın 70 illik yubileyi çərçivəsində akademiyanın əsas binasında təşkil edilən sərgi ilə tanış olublar.

Akademiyanın yeddi elmi bölməsinin tərkibindəki institut və təşkilatlar, regional elmi mərkəz və bölmələr, o cümlədən rəyasət heyətinin guşələrinə qoyulan eksponatlar məktəblilərin marağına səbəb olub. Şagirdlərə bu elmi müəssisələrin strukturu, yaranma tarixi ilə bağlı ətraflı məlumat verilib. Həmçinin AMEA-nın elmi müəssisələrində aparılan tədqiqatlar, o cümlədən institut və təşkilatların fəaliyyətini əks etdirən kitablar və digər dəyərli nəşrlər barədə danışılıb. Akademiyanın əldə etdiyi mühüm elmi nəticələr və uğurlu yeniliklərdən söz açılıb, AMEA-nın Təcrübə Sənaye Zavodunun məhsulları nümayiş etdirilib.

Mədəniyyət.- 2015.- 11 dekabr.- S. 10.