Səhnədə insan hüquqları

Bakı Uşaq Teatrı 10 dekabr - Dünya İnsan Haqları Günü münasibətlə Dövlət Mahnı Teatrında “İnsan Hüquqları” adlı tədbir-tamaşa təqdim edib. Gənclər və İdman Nazirliyinin təşəbbüsü və dəstəyi ilə keçirilən tədbirdə Bakı Uşaq Teatrının “Əşxas” (müəllif Abdulla Şaiq), “Həyatla oyun”, “Günahsız günahkarlar”, “Qeyri-adi məhkəmə” (müəllif Arzu Soltan) tamaşalarından səhnələr nümayiş olunub. Səhnə əsərlərinə İntiqam Soltan və Hacıbaba Məmmədov quruluş veriblər.

Tamaşalarda rollarda - İlhamə Əhmədova, Niyaz Qasımov, Rauf Hüseynli, Cavanşir Məhərrəmov, Sovqat Səmədova, Xəyalə Meydanova, Türkan Şahmarlı, Şahin Kazımov, Rəfael Muradxanlı, Müdvər Nemətova, Günay Pirizadə, Niyaz Novruzov çıxış ediblər.

Mədəniyyət.- 2015.- 11 dekabr.- S. 6.