Azərbaycan musiqiləri özbək ifaçıların təqdimatında

 

Daşkənddə Dünya Azərbaycanlılarının Həmrəylik Günü münasibətilə tədbirlər keçirilib

 

Azərbaycanın Özbəkistandakı səfirliyi və onun nəzdindəki Heydər Əliyev adına Mədəniyyət Mərkəzinin təşəbbüsü ilə Dünya Azərbaycanlılarının Həmrəylik GünüYeni il bayramı münasibətilə tədbir keçirilib.

 

Mədəniyyət mərkəzində keçirilən tədbirdə Özbəkistanda fəaliyyət göstərən diplomatlar, ölkənin ədəbiyyat, mədəniyyət və incəsənət xadimləri, Özbəkistan-Azərbaycan Dostluq Cəmiyyətinin rəhbərliyi, diasporumuzun üzvləri, mətbuat nümayəndələri iştirak ediblər.

Azərbaycanın Özbəkistandakı səfiri Hüseyn Quliyev bayramın tarixindən söz açıb.

Sonra konsert proqramı təqdim olunub. Proqram ÖzbəkistanınSoqdianaXalq Çalğı Alətləri Kamera Orkestrinin ifasında dahi bəstəkarımız Üzeyir HacıbəylininKoroğluoperasının uvertürası ilə başlayıb. Qara Qarayev, Fikrət Əmirov, Tofiq Quliyev kimi görkəmli bəstəkarlarımızın əsərləri, Azərbaycan xalq mahnıları ifa edilib. Tamaşaçılar Ü.HacıbəylininSənsiz”, “Sevgili cananromanslarını, “Arşın mal alanəsərlərindən Gülçöhrənin Əsgərin ariyalarını, Fikrət ƏmirovunQarabağ-Azərbaycanın incisimusiqili nömrəsini ayaq üstə alqışlayıblar.

 

* * *

Bayram münasibətilə Azərbaycanın Özbəkistandakı səfirliyinin nəzdindəki Heydər Əliyev adına Mədəniyyət Mərkəzi Daşkənddəki 30 saylı uşaq evinin azərbaycanlı özbək uşaqları üçün xeyriyyə tədbiri keçirib. Uşaq evində 150 uşaq yaşayır təhsil alır. Onlardan 8-i azərbaycanlıdır.

Azərbaycan Mədəniyyət Mərkəzi uşaq evini himayəyə götürüb mütəmadi olaraq burada tədbirlər keçirir. Bayram tədbirində çıxış edən uşaq evinin direktoru Firuza Osmanxocayeva Azərbaycan dövlətinə öz təşəkkürünü bildirib.

Sonra uşaqlar tərəfindən hazırlanmış konsert proqramı səhnəciklər nümayiş olunub. Balaca fidanlar özbək, Azərbaycan dünya rəqslərini, mahnılarını ifa ediblər. Mədəniyyət mərkəzinin nəzdindəki "Azərbaycan qızları" rəqs ansamblının çıxışı alqışlarla qarşılanıb.

Sonda Azərbaycan Mədəniyyət Mərkəzinin bayram sovqatı hədiyyələr uşaqlara təqdim olunub.

 

Mədəniyyət.- 2015.- 30 dekabr.- S. 16.