Uşaq musiqi və incəsənət məktəblərində monitorinq keçirilib

Mədəniyyətşünaslıq üzrə Elmi-Metodik Mərkəzin Bədii təhsil şöbəsinin baş metodisti Rauf İmanov və metodist Zəbulla Quliyev 23-25 dekabr tarixində uşaq musiqi və incəsənət məktəblərində monitorinq keçirilməsi məqsədilə Cəlilabad rayonuna ezam olunublar. Monitorinqdə Cəlilabad, Masallı, Lerik, Biləsuvar, Yardımlı rayon uşaq musiqi və incəsənət məktəblərinin rəhbərləri iştirak ediblər.

Tədbirdə qeyd olunan məktəblər arasında əlaqələrin inkişafı, tədrisin səviyyəsinin yüksəldilməsi məqsədilə elmi seminarların təşkili məsələləri ilə bağlı ətraflı müzakirələr aparılıb. Monitorinqə dəvət olunan məktəblərin rəhbərlərinə Elmi-Metodik Mərkəz tərəfindən görülən işlər barədə məlumat verilib, yeni tədris proqramları və metodiki vəsaitlər təqdim edilib.

Mədəniyyət.- 2015.- 30 dekabr.- S. 4.