Misir haqqında kitabın təqdimatı

Fevralın 11-də Bakıdakı Misir Mədəniyyət Mərkəzində gənc tarixçi Çinarə Nağıyevanın “Misir dünən və bu gün” adlı kitabının təqdimatı keçirilib.

Mərasimi Misirin Azərbaycandakı səfirliyinin mədəniyyət üzrə attaşesi, Misir Mədəniyyət Mərkəzinin direktoru Əhməd Sami Elaydi açaraq iki ölkənin bir sıra sahələrdə, o cümlədən mədəniyyət sahəsində əməkdaşlıq etdiyini diqqətə çatdırıb. Milli Məclisin İnsan hüquqları komitəsinin sədri Rəbiyyət Aslanova, Bakı Asiya Universitetinin rektoru Cəlil Nağıyev Misirin tarixi və mədəniyyətindən söz açan kitabın əhəmiyyətini vurğulayıblar.

Müəllif Çinarə Nağıyeva kitabın məzmunu barədə məlumat verib. Müəllifə Misir Mədəniyyət Mərkəzinin fəxri fərmanı və medalı təqdim edilib. Sonda tədbir iştirakçıları gənc rəssamların Şərq mədəniyyətinə həsr edilmiş əsərlərindən ibarət sərgi ilə tanış olublar. ıları gənc rəssamların Şərq mədəniyyətinə həsr edilmiş əsərlərindən ibarət sərgi ilə tanış olublar.

Mədəniyyət.- 2015.- 13 fevral.- S. 12.